पाल्पा, जिल्लाको रैनादेवी छहरा गाउँपालिका –८ बुुडीदमारस्थित खरबारीमा एक युवक मृत अवस्थामा फेला परेका छन् । बुडीदमारका झविलाल रानाको ३० वर्षीय छोरो हिमबहादुर राना मृत फेला परेका हुन् ।

मंगलबार विहान बाख्रा चराउन भनि घरबाट निस्किएका राना अबेरसम्म पनि घर नफर्किएपछि आफ्न्तले प्रहरीलाई जानकारी गराएका थिए । जानकारी प्राप्त हुन साथ बल्ढेङ्गढी प्रहरी चौकी र जिल्ला प्रहरी कार्यालयबाट गएको प्रहरी अनुसन्धान अधिृकतको टोलीले घटनाको अध्ययन गरेको थियो । रानाको खोजतलास गर्ने क्रममा घरनजिकैको खरबारीमा मृत अवस्थामा फेला पारिएको जिल्ला प्रहरी कार्यालयका प्रहरी नायव उपरीक्षक वीरेन्द्र थापाले जानकारी दिए । शवको पोष्टमार्टका लागि प्रादेशीक अस्पताल बुटवल पठाइएको छ । घटनाको विषयमा थप अनुसन्धान भइरहेको जिल्ला प्रहरी कार्यालयले जनाएको छ ।