पाल्पा, नेपालमा पछिल्लो २४ घण्टाको अवधिमा कोभिड–१९ को संक्रमणबाट एक जनाको मृत्यु भएको छ । योसँगै देशमा कोभिडबाट मृत्यु हुने कूल संख्या १२ हजार २२ पुगेको हो ।

स्वास्थ्य तथा जनसंख्या मन्त्रालयका अनुसार असोज ८ गतेपछि पहिलो पटक मंगलबार कोराना भाइरस संक्रमणका कारण ज्यान गएको थियो । मन्त्रालयका अनुसार पछिल्लो २४ घण्टामा देशभर १ सय २१ जनामा कोरोना भाइरसको संक्रमण पुष्टि भएको छ । २ हजार ३ सय ७७ जनाको नमुना परीक्षण गर्दा पीसीआर विधिबाट ५८ जना एन्टीजेन विधिबाट ६३ जनामा सङ्क्रमण पुष्टि भएको हो ।यही अवधिमा थप ८१ जना  संक्रमणमुक्त भएका छन् । योसँगै पीसीआर विधिबाट देशभर सङ्क्रमितको संख्या ४ सय ४५ पुगेको छ । यही अवधिमा थप ४२ हजार १ सय ८० जनाले कोभिड–१९ विरुद्धको खोप लगाएका छन् ।