गुुल्मी, गुल्मीमा आगोमा परेर एक वृद्धको मृत्यु भएको छ । घाँस काट्ने क्रममा खरबारीमा लागेको आगोमा परेर जिल्लाको सत्यवती गाउँपालिका–४ लिम्घाका ७५ वर्षीय लालबहादुर शाही घाइते भएका थिए ।

घाइते उनलाई स्थानीयले उद्धार गरी उपचारको लागि अस्पतालमा लैजादै गर्दा बाटोमै मृत्यु भएको जिल्ला प्रहरी कार्यालयले जनाएको छ ।

शवलाई पोष्टमार्टमको लागि श्रृङ्गा स्वास्थ्य चौकीमा राखिएको छ । घटनाका विषयमा थप अनुसन्धान भइरहेको प्रहरीले जनाएको छ । आगो स्थानीय र प्रहरीले नियन्त्रणमा लिएका छन् ।