पाल्पा, जिल्लाको रिब्दीकोट गाउँपालिकाको एक जंगलमा वृद्ध मृत फेला परेका छन् । रिब्दीकोट गाउँपालिका–५ ढकाल टोलका ६३ वर्षीय राजकुमार घिमिरे घर नजिकै रहेको भैरव सामुुदायिक वनमा बुधबार मृत अवस्थामा फेला परेका हुन् ।

मंगलबार दिउँसो घरबाट हिडेका उनी साँझासम्म घर नर्फिएपछि खोजतलास गर्ने क्रममा जंगलमा मृत अवस्थामा फेला पारिएको जिल्ला प्रहरी कार्यालयले जनाएको छ ।

घिमिरे मृत फेटिएपछि आफ्न्तले प्रहरीलाई खबर गरेका थिए । खबर लगत्तै प्रहरीचौकी हार्थोक र जिल्ला प्रहरी कार्यालयबाट खटिएको प्रहरी अनुसन्धानसहितको टोलीले प्रारम्भिक अनुसन्धान गरी शवलाई पोष्टमार्टका लागि पाल्पा अस्पतालमा पठाएको छ । घटनाको विषयमा थप अनुुसन्धान भइरहेको जिल्ला प्रहरी कार्यालयका प्रहरी नायव उपरीक्षक वीरेन्द्र थापाले जानकारी दिए ।