गुल्मी, गुल्मीमा आगो निभाउने क्रममा जलेर एक बालकको मृत्यु भएको छ । घर नजिकैको जंगलमा लागेको आगो निभाउने क्रममा जलेर घाइते भएका जिल्लाको धुर्कोट गाउँपालिका ३ हाडहाडेका १३ वर्षीय दीपक मुखियाको शुक्रबार बिहान मिसन अस्पताल पाल्पामा उपचारका क्रममा निधन भएको हो ।

बिहीबार साँझदेखि बर्दवास जंगलमा आगो लागेको थियो । आगो बस्तीमा आउन थालेपछि उनको परिवार सहित आगो निभाउन जंगलमा गएका थिए । आगो निभाउँदै गर्दा आगोको लप्काले पोल्दा उनीसहित एक जना गम्भीर घाइते भएको जिल्ला प्रहरी कार्यालय गुल्मीले जनाएको छ । घाइते मुुखियाको उपचारका क्रममा मृत्युु भएको हो भने अर्का ५५ वर्षीय धनबहादुर जोगी कुँवर घाइते भएका छन् । उनको तानसेनस्थित मिसन अस्पतालमा उपचार भइरहेको प्रहरीले जनाएको छ ।