पाल्पा,जिल्लाको रैनादेवी छहरा गाउँपालिका –३ छचुवामा काफलको रुखबाट लडेर एक किशोरको मृत्यु भएको छ । घर नजिकैको जंगलमा काफल टिप्न गएका छचुवाका १८ वर्षीय सूर्य कुमाल रुखबाट लडेर घाइते भएका थिए । घाइते उनको तानसेनस्थित युनाइटेड मिसन अस्पतालमा उपचारका क्रममा ज्यान गएको जिल्ला प्रहरी कार्यालयले जनाएको छ ।

कुमाल चढेको रुख जरैबाट ढलेको स्थानीयले बताएका छन् । एक्कासी रुख ढलेपछि उनी घाइते भएका थिए । घाइते उनलाई आफ्न्तले अस्पताल ल्याए पनि डाक्टरले मृत घोषणा गरेका हुन् । उनीसँगै अर्को एक जना पनि रुखमा चढेका थिए । उनी भने सामन्य घाइते मात्रै छन् ।