पाल्पा, पाल्पामा छुट्टाछुट्टै घटनामा दुई जनाको मृत्यु भएको छ । जिल्लाको रैनादेवी छहरा गाउँपालिका र तिनाउ गाउँपालिकामा भएका छुट्टाछुट्टै घटनामा दुईको मृत्यु भएको हो ।

रैनादेवी छहरा गाउँपालिका २ सर्देवाका ४७ वर्षिय डिलबहादुर बुढाथोकी मृत्यु भएको छ । बुढाथोकीको जेठ ७ गतेका दिन घर निजकै रहेको स्वामीको रुखमा घाँस काट्ने क्रममा लडेर घाइते भई मिशन अस्पतालमा उपचारको क्रममा आज मृत्यु भएको जिल्ला प्रहरी कार्यालय पाल्पाले जनाएको छ ।

यसैगरी जेठ ६ गते शनिबारदेखि बेपत्ताका बृद्ध मृत फेला परेका छन् । पाल्पा तिनाउ गाउँपालिका ६ मस्याम घरभएर हाल तिनाउ ५ हिउँदेखोला बस्ने ६५ वर्षिय सहबिर नेपाली सोमबार बेलुका साढे ७ बजेको समयमा हिउँदेखोला नजिकै भीरमा मृत अवस्थामा फेला परेका हुन् । दाजुको घरमा बस्दै अएका नेपाली बेपत्ता भएपछि आफन्तले खोजतलास गर्ने क्रममा भीरमा शव फेला परेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिए । घटना सम्बन्धी थप अनुसन्धान भइरहेको सूचना अधिकारी थापाले बताए ।