पाल्पा, एनसेल आजियाटा लिमिटेडले ग्राहकहरुको सञ्चार सेवालाई मध्यनजर गर्दै  नयाँ तथा अकार्षक योजना ल्याएको छ । एनसेलले सबै ग्राहकले नेपालका कुनै पनि मोबाइल नम्बरमा कल गर्न मिल्ने अनलिमिटेड अल–नेटवर्क र एनसेलकै नम्बरमा कल गर्न मिल्ने अनलिमिटेड टकटाइम प्याक सहितको योजना ल्याएको हो ।

एनसेलले प्रिपेड र पोष्टपेड दुवै सेवाका ग्राहकले प्रयोग गर्न सक्ने अनलिमिटेड टकटाइम रहेका प्याकअन्तर्गत ग्राहकले एकदिने अल–नेट अनलिमिटेड भ्वाइस प्याक, एकदिने अन–नेट अनलिमिटेड भ्वाइस प्याक वा सातदिने अन–नेट अनलिमिटेड भ्वाइस प्याक लिन सक्ने बताइएको छ । एकदिने अल–नेट अनलिमिटेड प्याकअन्तर्गत ग्राहकले करसहित २५ रुपैयाँमा बिहान पाँच बजेदेखि साँझ पाँच बजेसम्म नेपालका देशका कुनै पनि मोबाइल नेटवर्कका नम्बरमा अनलिमिटेड भ्वाइस सेवा फाइदा लिन सक्ने कम्पनीले जनाएको छ । एनसेलका अन्य नम्बरमा २४ घण्टासम्म अनलिमिटेड कल गर्न सकिने एकदिने अन–नेट अनलिमिटेड टकटाइम करसहित ३० रुपैयाँमा सुचारु गर्न सक्ने बताइएको छ ।