पाल्पा, लुम्बिनी प्रदेशमा भएका छुुट्टाछुुट्टै घटनामा तीन जनाको मृत्यु भएको छ । प्रदेशका विभिन्न जिल्लाका छुट्टाछुट्टै स्थानमा भएका घटनामा तीन जनाको मृत्यु भएको हो ।

रुपन्देहीको लुम्बिनी सांस्कृतिक नगरपालिका–४ सानो महुवारीस्थित सडकमा मोटरसाइकलको ठक्करबाट एक पैदलयात्रीको मृत्युु भएको छ  । मोटरसाइकलको ठक्करबाट घाइते भएका पैदलयात्री सोही ठाउँका ६५ वर्षीय बडखरी यादवको मृत्युु भएको केन्द्रीय प्रहरी समाचार कक्षले जनाएको छ ।  बाटो हिड्दै गरेका यादवलाई लु.७३ प ८९४१ नम्बरको मोटरसाइकलले अकास्मात ठक्कर दिएको थियो । ठक्करबाट गम्भीर घाइते भएका उनको भारतको कक्रहवामा उपचारको क्रममा मृत्यु भएको हो । मोटरसाइकल चालकलाई प्रहरीले नियन्त्रणमा लिई आवश्यक अनुसन्धान थालेको छ ।

यस्तै रुपन्देहीकै बुटवल उपमहानगरपालिका–६ पुरानो बसपार्कस्थित प्रतिक्षालयमा एक व्यक्ति मृत अवस्थामा फेला परेका छन् । केन्द्रीय प्रहरी समाचार कक्षका अनुसार मृतक गुल्मीको धुर्कोट गाउँपालिका–३ घर भई बुटवलमा कवाड संकलन गरी हिड्ने ५५ वर्षीय कृष्ण गौतम रहेका छन् ।

उता दाङको राप्ती गाउँपालिका–६ मझेरियामा कुलोमा डुुवेर एक व्यक्तिको मृत्युु भएको छ । मृत्यु हुनेमा सोही ठाउँका ६० वर्षीय कालि प्रसाद चौधरी रहेका छन् । मझेरियास्थित सोनपुर कुलोमा डुवेर उनको ज्यान गएको प्रहरीले जनाएको छ । चौधरीलाई कुलो तर्ने क्रममा बगाएको बुुझिएको छ । उनको लमही नगरपालिका–२ सोनपुरमा शव फेला परेको हो ।