तानसेन, तानसेन खानेपानीको कार्यालयमा लागेको ताला आज फोरिएको छ । तानसेन खानेपानी उपभोक्ता तदर्थ समितिले आज बिहान १०ः३० बजेको समयमा ताला फोरेको हो ।

वडाका जनप्रतिनिधि, पत्रकार, उपभोक्ता, प्रहरी लगायतको उपस्थितिमा ताला फोरिएको छ । समितिले ताला फोरेर मुचुल्का तयारी गरी आजदेखि कार्यालय सुचारु गर्ने जनाएको छ ।

डा. पुरनमान बज्राचार्यको अध्यक्षातामा रहेको पुरानो समितिलाई विघटन गरी असार २१ गते तानसेन नगरपालिकाले मोहन प्रसाद श्रेष्ठको अध्यक्षतामा तदर्थ समिति गठन गरेको थियो । गठित तदर्थ समितिले पुरानो विघटित समितिसँग पटक–पटक बरवुजारत गरी साँचो बुुझाउन आग्रह गर्दै आएकोमा साँचो नबुुझाई मुद्दा मामलामा लागेको थियो । उपभोक्ताको चाहना अनुसार काम गर्न ढिलो भए पछि ताला फोर्न बाध्य भएको तदर्थ समितिका अध्यक्ष मोहन प्रसाद श्रेष्ठले पत्रकार सम्मेलनमा सार्वजनिक गरे ।