पाल्पा, जिल्लाको रैनादेवी छहारा गाउँपालिका–४ अमलाबासबाट नगदसहित पाँच जुवाडे पक्राउ परेका छन् । छहराको अमलावासस्थित एक रेष्टुरेण्टबाट नगदसहित पाँच जुवाडे पक्राउ परेका हुन् । जिल्ला कार्यालय पाल्पा र ईलाका प्रहरी कार्यालय मुझुङबाट खटेको प्रहरी अनुसन्धान अधिकृत सहितको टोलीले रेष्टुरेण्टबाट जुवाडेलाई पक्राउ गरेको केन्द्रीय प्रहरी समाचार कक्षले जनाएको छ ।

 प्रहरीले उनीहरुको साथबाट २५ हजार ३ सय ९० रकम समेत बरामद गरेको जनाएको छ । प्रहरीले लामो समयदेखि जुवाखाल सञ्चालन भइरहेको भन्ने गोप्पे सुचनाको आधारमा खोजतलास गर्दा कोठाभित्र जुवा खेलिरहेको अवस्थामा उनीहरुलाई पक्राउ गरेको हो ।

 प्रहरीले उनीहरुको साथबाट ३ बुुक तासको पत्ति पनि फेला पारेको छ । जुवाडेलाई नियन्त्रणमा लिई जिल्ला प्रशासन कार्यालय पाल्पाले थप अनुसन्धान प्रक्रिया अगाडि बढाएको केन्द्रीय प्रहरी समाचार कक्षले जनाएको छ । पछिल्लो समय प्रहरीले जुवाडेहरुलाई धमाधम पक्राउ गर्न थालेको छ । प्रहरीले गत असार ३ गते तानसेनबाट ६६ हजार ८ सय २५  रकमसहित १० जुवाडेलाई पक्राउ गरेको थियो । उसले तानसेन नगरपालिका–१ भूसालडाँडास्थित एक घरबाट नगदसहित १० जुवाडे पक्राउ गरेको हो । प्रहरीले उनीहरुको साथबाट २ हजार १५ थान रातो, निलो रङ्गका तासको पत्ति पनि फेला पारेको थियो ।