पाल्पा, माछा मार्ने जालमा परी कालिगण्डकी नदीमा डुुब्दा पाल्पामा एक युवकको ज्यान गएको छ । जिल्लाको रम्भा गाउँपालिका –२, रानीवासका २६ वर्षीय कोपिल पाँडे मगरको माछा मार्न प्रयोग गर्ने जालमा परेर ज्यान गएको हो ।

रानीवास घर भए पनि उनी रम्भा –१ छापस्थित दलबहादुर पाण्डेको घरमा आफ्नै आमासँग बस्दै आएका थिए । पाँडे घर नजिकैको कालिगण्डकी नदीमा माछा मार्न गएका थिए । माछा मार्ने क्रममा आफैले तयार पारेको जालमा फसी उनी एक्कासी पानीमा डुुब्न पुुगेका थिए । पानीमा डुुवेर उनको मृत्युु भएको जिल्ला प्रहरी कार्यालयले जनाएको छ । घटनाको प्रारम्भीक अनुुसन्धान गरी शवलाई पोष्टमार्टका लागि रामपुर अस्पताल पठाइएको  जिल्ला प्रहरी कार्यालयका प्रवक्ता भुुपेन्द्र थापाले जानकारी दिए । घटनाको बारेमा थप अनुसन्धान भैरहेको छ ।