पाल्पा, करेन्ट लागेर एक पुरुषको ज्यान गएको छ । जिल्लाको रैनादेवी छहरा गाउँपालिका– ३ झिरवास देउरालीका ४२ वर्षीय गोविन्द बरम्लेको  करेन्ट लागेर मृत्यु भएको हो ।

आफ्नै घर नजिकको खेतमा पानी तान्ने मोटर चलाउनको लागि विद्युुतको तार तान्ने क्रममा उनलाई एक्कासी करेन्ट लागेको थियो । करेन्ट लागेका उनको घटनास्थलमै मृत्युु भएको जिल्ला प्रहरी कार्यालयले जनाएको छ । घटना लगत्तै जिल्ला प्रहरी कार्यालय र इलाका प्रहरी कार्यालय मुझुङ्गबाट गएको प्रहरी अनुसन्धान अधिकृतसहितको टोलीले प्रारम्भिक अनुसन्धानपछि शवलाई पोष्ठमार्टका लागि पाल्पा अस्पताल पठाइएको छ । घटनाको थप अनुसन्धान भइरहेको जिल्ला प्रहरी कार्यालयका प्रवक्ता भुपेन्द्र थापाले जानकारी दिए ।