तानसेन, रानीमहल सडक खण्ड अन्तर्गत बैकुन्ठ पहाडमा जीप दुर्घटनामा परी ६ जनाको घटना स्थलमा मृत्यु भएको छ ।  चालक घाईते अवस्थामा भेटिएका छन । जीप वैकुण्डे पहाडबाट तीन सय मीटर तल वराङ्दी खोलामा खसेको हो । 
     प्रहरीका अनुसार वागमति प्रदेशको ७२०९ नम्वरको जीप दुर्घटना हुदा ६ जनाको घटनास्थलमै मृत्यु भएको छ । मृत्यु हुनेमा तीन महिला, दुई बालक र एक पुरुष रहेका छन ।

घाईते चालकको अवस्था गम्भीर छ । स्थानीय वासिनदाका अनुसार जीप भैरहवाबाट आएको हो । रानीमहल घुम्नका लागि आएकाहरु दुर्घटनामा परेका हुन ।  घटना सम्बन्धि थप विवरण केहि समयमा प्राप्त हुँदै छ, जीप सडकबाट खोलामा खसेको छ भने गहिरो खोच रहेको हुँदा उद्धारमा कठिनाई भएको घटनास्थलबाट जानकारी प्राप्त भएको छ ।  तल खसेर जीप पानीमा डुवेको छ  । प्रहरी र उद्दार टोली घटना स्थल खोलाबाट मृतकहरुलाई निकाली रहेका छन  । मृतक र घाईतेहरुको सनाखत हुन सकेको छैन ।