पाल्पा, जिल्लाको रम्भा गाउँपालिका–३ सेरास्थित सिद्धार्थ राजमार्गमा ट्याक्सी दुर्घटना भएको छ । बुटवलबाट पोखरातर्फ जाँदै गरेको ग १ ज १९७० नम्बरको ट्याक्सी घुम्तिमा अनियन्त्रित भई सडक छेउमा रोकि राखेको ग १ त ५२५० नम्बरको ट्याक्टरमा ठोकिन गई दुर्घटना भएको हो ।

दुर्घटनामा परी ५ जना घाइते भएका छन् । जिल्ला प्रहरी कार्यालयका अनुसार घाइते हुनेहरुमा चालक पोखरा उप–महानगरपालिका –१५ का ३८ वर्षीय सुरेश, ट्याक्सीमा सवार सोही ठाउँका ७४ वर्षीय धन बहादुर गुरुङ, ७० वर्षीया गंगा गुरुङ,४० वर्षीय बिनोद गुरुङ, बुटवल उप–महानगरपालिका –१० रामनगरका ७२  वर्षीय भिम बहादुर गुुरुङ रहेका छन् ।

घाइतेहरुलाई उपचारका लागि युुनाइटेड मिसन अस्पताल ल्याइएको जिल्ला प्रहरी कार्यालयका प्रहरी नायव उपरीक्षक सुगन्ध श्रेष्ठले जानकारी दिए । घटनाको विषयमा थप अनुसन्धान भइरहेको प्रहरीले जनाएको छ ।