गुल्मीको एक पसलमा आगोलागी, लाखौंको क्षति
गुल्मी,जिल्लाको गुल्मीदरबार गाउँपालिका –७ देउराली चारपालामा पसलमा भएको आगलागीबाट लाखौंको सम्पत्ति जलेर नष्ट भएको छ । देउराली चारपाला फेदी निवासी टोपबहादुर बस्नेतको घरमा आगलागीबाट पसलमा रहेको सम्पूर्ण नगद,मोटरसाइकल सहित सम्पूर्ण खाद्यान्न सामाग्री जलेर नस्ट भएको हो ।
टिनले छाएको २ तले कच्ची किराना पसल राखेको घरमा आगलागी हुँदा नगद दुई लाख, ३ तोला गहना, १५० सिसीको पल्सर मोटरसाइकल थान एक, एक हिरो होण्डा मोटरसाइकल एक ग्यास सिलिण्डर, चार,नुन,तेल,चामल र अन्य खाद्यान्न सामाग्री र लत्ता कपडा गरी ३५ लाखको क्षति भएको प्रहरीले जनाएको छ । आगो दमकल, प्रहरी र स्थानीयको सहयोगमा नियन्त्रणमा ल्याइएको जिल्ला प्रहरी प्रवक्ता डिएसपी डिल्लीनारायण पाण्डेले जानकारी दिए ।
प्रकाशित मिति: सोमबार, कात्तिक २०, २०८०
प्रतिक्रिया दिनुहोस्
साताको लोकप्रीय
