पाल्पा, नेपालमा बढिरहेको साइबर सुरक्षाबारे विद्यार्थीहरुलाई सचेतन गराइएको छ । पाल्पा जेसिज वर्ष २०२४ ले तानसेनमा रहेको मिलेनियम सेकेण्डरी स्कुलमा कक्षा ११/१२ मा अध्ययनरत विद्यार्थीहरुलाई साइबर सुरक्षाबारे जानकारी गराई सचेतना गराएको हो ।

प्रविधिको प्रयोगबाट हुने गरेको साइबर अपराधबाट बच्न विद्यार्थीलाई सहयोग पुग्ने उद्देश्यले जिल्ला प्रहरी कार्यालय पाल्पाको सहकार्यमा कार्यक्रम गरिएको जेसिजका अध्यक्ष जेसी अर्जुन कार्कीले बताए । उनले भने ‘पछिल्लो समय युवायुवतीहरुमा साइबर अपराधका घटनाहरु बढ्दो रहेको छ । त्यसलाई न्यूनीकरण गर्नका लागि पहिले विद्यार्थीहरूमार्फत सचेतना कार्यक्रम गर्न जरुरी ठानेर हामीले कार्यक्रम सञ्चालन गरेका हौं ।’

कार्यक्रममा पाल्पा जेसिजका पूूर्व अध्यक्ष तथा पूूर्व राष्ट्रिय उपाध्यक्ष जेसी शैलेन्द्र भट्टराले साइबर अपराध नियन्त्रण गर्न साइबर सचेतनामा जोड दिनुपर्ने उल्लेख  गरे । उनले प्रहरीसँगको सहकार्यमा जेसिजले सचेतना कार्यक्रम गरेर प्रशंसनिय कार्य गरेको बताए । पाल्पा उद्योग वाणिज्य सघंका अध्यक्ष तथा प्रमुुख अतिथि समेत रहेका भट्टराईले साइबर अपराधको निशानामा सबैभन्दा बढी किशोरकिशोरी परेकाले साइबर सचेतना अभियान क्याम्पस तहमै सञ्चालन गर्न जरुरी रहेको धारणा व्यक्त गरे । उनले भने ‘बृहत् अभियानकै रुपमा सचेतना कार्यक्रम लैजान आवश्यक छ ।’ सूचना प्रविधि आयआर्जनको महत्वपूर्ण आधारका रुपमा स्थापित हुँदै गए पनि त्यसको सही सदुुपयोग नहुँदा समस्या उत्पन्न भएको अध्यक्ष भट्टराईको भनाई छ । उनले कार्यक्रममा सिकेका कुराहरु व्यवहारमा उतार्दै अरुलाई समेत जानकारी गराउन सहभागी विद्यार्थीहरुलाई आग्रह गरे ।

विशिष्ट अतिथि जिल्ला प्रहरी कार्यालय पाल्पाका प्रमुख प्रहरी उपरीक्षक नरेन्द्र चन्दले पछिल्लो समय युवायुवतीहरुमा बढ्दो साइबर अपराध देखिएको र त्यसलाई न्यूनीकरण गर्न विद्यार्थीहरू नै सचेत हुुनुुपर्ने बताए । उनले समाजमा सचेतना फैलाउने र शान्त, सुरक्षित समाज निर्माण गर्नका लागि सबै तह र निकायको सहयोग आवश्यक रहेको धारणा व्यक्त गरे । प्रमुख चन्दले साइबर अपराध नियन्त्रणका लागि प्रहरी सक्रिय भएर लागे पनि प्रहरी एक्लैले मात्र सम्भव नरहेको र सबै पक्षको साथ, सहयोग आवश्यक रहेको उल्लेख गरे ।

स्कूल व्यवस्थापन समितिका अध्यक्ष केशव शर्माले विद्यालय र क्याम्पस तहमा यस्ता कार्यक्रमहरु चलाउन आवश्यक रहेको उल्लेख गर्दै आगामी दिनमा पनि सबै स्कूलहरुमा पुुगेर कार्यक्रम सञ्चालन गर्न जेसिजलाई आग्रह गरे । कार्यक्रममा जिल्ला प्रहरी कार्यालयका प्रहरी नायव उपरीक्षक सुुगन्ध श्रेष्ठले सूचना प्रविधिहरुको प्रयोग गर्दा ध्यान दिनुुपर्ने कुराहरुका बारेमा विद्यार्थीहरुलाई जानकारी गराएका थिए । उनले नेपालमा साइबर अपराध समयस्या रहेको भन्दै यसबाट बच्न सबैभन्दा पहिले सर्भर सुरक्षामा ध्यान दिनु पर्ने बताए । साइबर अपराध अन्जानमा वा जानी जानी हुने गरेकाले कम्पयुटर चलाउँदा आफूलाई आवश्यक फाइल मात्रै खोल्ने र नजानेका फाइल, उपहार पाउने लगायतका फ्रड फाइलमा क्लिक खोल्ने काम नगर्न आग्रह गरे । उनले साइबर अपराधको घटना बढी सामाजिक सञ्जाल फेसबुकबाट, इमेल फ्रडबाट, लटरीको नाममा हुने गरेको बताए । जेसिजका जिल्ला अध्यक्ष अर्जुन कार्कीको अध्यक्षता, कार्यक्रम संयोजक जेसी विवेक काजी शाक्यको स्वागत, महासचिव जेसी विजय कार्कीको सञ्चालनमा कार्यक्रम भएको थियो ।