पाल्पा, पाल्पामा टिपरको ठक्करबाट मोटरसाइकल चालकको मृत्यु भएको छ । शनिबार साँझ  जिल्लाको तिनाउ गाउँपालिका–२, दोभान छिसखोलास्थित भित्रि कच्चि सडक खण्डमा टिपरको ठक्करबाट मोटरसाइकल चालकको मृत्यु भएको हो ।

बुटवलबाट कचलखानीतर्फ जाँदै गरेको लु २ ख ८७४ नम्बरको टिपरले बिपरित दिशाबाट आउदै गरेको लु १७ प १५२४ नम्बरको मोटरसाईकललाई ठक्कर दिदा मोटरसाईकल चालक रैनादेवी छहरा गाउँपालिका –६ का  ४३ वर्षीय जगबहादुर बलालको मृत्यु भएको जिल्ला प्रहरी कार्यालयका प्रहरी निरीक्षक सन्तोष चन्दले जानकारी दिए ।  दुर्घटनामा गम्भीर घाइते भएका उनको उपचारका क्रममा लुम्बिनी प्रादेशिक अस्पताल बुटवलमा मृत्यु भएको हो । घटनाका विषयमा थप अनुसन्धान भइरहेको प्रहरीले जनाएको छ ।