पाल्पा, जेठ १ गते देखि लागू हुनेगरि नियामक नेपाल धितोपत्र बोर्डले घटाएको ब्रोकर कमिसन घटाउने निर्णय कार्यान्वयनमा ल्याएको छ । अर्थात, मंगलबार हुने कारोबारदेखि यसअघि भन्दा कम ब्रोकर कमिसन लाग्नेछ ।

घटेको कमिसनको हिसाबमा अब लगानीकर्ताले ५० हजार रुपैयाँसम्मको सेयर कारोबारमा ०.३६ प्रतिशत, ५० हजार रुपैयाँदेखि ५ लाख रुपैयाँसम्मको कारोबारमा ०.३३ प्रतिशत, ५ लाख रुपैयाँदेखि २० लाख रुपैयाँसम्मको कारोबारमा ०.३१ प्रतिशत, २० लाख रुपैयाँदेखि १ करोड रुपैयाँसम्मको ०.२७ प्रतिशत र १ करोड रुपैयाँमाथि ०.२४ प्रतिशत ब्रोकर कमिसन तिर्नुपर्नेछ । ब्रोकर कमिसन घट्नु अघि लगानीकर्ताले ५० हजार रुपैयाँसम्मको शेयर कारोबारमा लगानीकर्ताले ०.४० प्रतिशत, ५० हजार रुपैयाँदेखि ५ लाख रुपैयाँसम्मको कारोबारमा ०.३७ प्रतिशत, ५ लाख रुपैयाँदेखि २० लाख रुपैयाँसम्मको कारोबारमा ०.३४ प्रतिशत, २० लाख रुपैयाँदेखि १ करोड रुपैयाँसम्मको ०.३० प्रतिशत र १ करोड रुपैयाँमाथि ०.२७ प्रतिशत ब्रोकर कमिसन तिर्दै आएका थिए । मंगलबारदेखि सेयर लगानीकर्ताहरुले बैंकको ब्याज पनि सस्तिएको छ । जेठ महिनाका लागि १० वाणिज्य बैंकहरुले निक्षेपको ब्याज घटाउँदा आधार दर सस्तो हुँदा बैंकमा ऋणीहरुले तिर्ने ब्याज पनि कम कम भएको छ ।