पाल्पा, सापकोटा कल्याण केन्द्र पाल्पाको प्रथम जिल्ला भेला तानसेनमा भएको छ । सापकोटा कल्याण केन्द्र नेपाल, कौडिन्य ऋषि आश्रम देवघाटधाम केन्द्रीय समितिको आयोजनामा पाल्पाको तानसेनमा भेला भएको हो ।

भेलाले ९ सदस्यीय जिल्ला समिति गठन गरेको छ । जसको सभापतिमा मोहन प्रसाद सापकोटा, उपसभापतिमा तारा प्रसाद सापकोटा, सचिवमा जयराम सापकोटा, उप सचिवः भेषराज सापकोटा,कोषाध्यक्षमा मोती प्रसाद सापकोटा, सहकोषाध्यक्षमा लक्ष्मी सापकोटा चयन भएका छन् । यस्तै सदस्यहरुमा प्रर्सुराम सापकोटा, यादव (रामप्रसाद) सापकोटा, इन्दुप्रसाद सापकोटा रहेको सचिव जयराम सापकोटाले जानकारी दिए । उनका अनुसार प्रदेश प्रतिनिधिमा सत्य मोहन सापकोटा चयन भएका छन् ।

कार्यक्रममा सापकोटा कल्याण केन्द्रका केन्द्रीय सभापति डा. कविन्द्र सापकोटाले सापकोटाको उत्पत्ति, परिचय र यसको भूमिकाबारेमा जानकारी गराएका थिए । साथै उनले नव निर्वाचित कार्य समितिलाई शपथ ग्रहण समेत गराए । प्राध्यापक मोहन प्रसाद सापकोटाको प्रमुख आतिथ्यता, जेष्ठ सदस्य तारा प्रसाद सापकोटाको अध्यक्षता ,सापकोटा कल्याण केन्द्रका महासचिव गोविन्द सापकोटाको स्वागत, केन्द्रीय सचिव विण्णु प्रसाद सापकोटाको सञ्चालनमा कार्यक्रम भएको थियो ।