![गुरु मान्नुपर्छ](https://www.shittalpati.com/uploads/posts/Bechandra-1721545354.jpg)
✍️बिचन्द्र रायमाझी ‘मुस्कान’
इस्मा २ गुल्मी हाल तानसेन ,पाल्पा
चाहे बाल शिक्षा होस
चाहे उच्च शिक्षा होस
शिक्षा शिक्षा नै हो,
शिक्षा दिने भनेको गुरु नै हो ।
आफू अन्धकारमय भएर
अरुलाइ उज्यालो छर्छन्,
आफू खोक्रो भएर
अरुलाइ भरिभराउ गर्छन् ।
यता धन भन्दा विद्या ठूलो पढाउनुपर्छ
उता भए युरोप नभए खाडी भिसा लगाउनुपर्छ
अझ भन्नुपर्छ स्वदेशमै केही गरेर बस्नुपर्छ
भिसा आउनसाथ आफैले झोला कस्नुपर्छ ।
नियमले भन्छ त विद्यालयमा जा
सरकारले भन्छ त सडकमा जा
नियमले भनेको मान्ने हो भने जीवन धान्न मुस्किल पर्छ
सरकारले भनेको मान्ने हो भने ज्यान जोगाउन मुस्किल पर्छ ।
गुरुलाई सम्मान गर्न जानेन् सरकारले
मार्गदर्शक गुरु हुन ठानेन् सरकारले
दासी बनाएर राख्न खोज्दै छ सरकार
गुरुलाई गिराउने बाटो रोज्दै छ सरकार ।
गुरु बिनाको शिक्षा अधुरो हुन्छ,
शिक्षा बिनाको जीवन अपुरो हुन्छ,
गुरु मार्गदर्शक हुन ठान्नुपर्छ ।
त्यसैले गुरु गुरु नै हुन मान्नुपर्छ ।।