रमेश विश्वकर्मा

गुल्मी, जिल्लाको मुसिकोटमा पहिरोले घर पुरिदा चार जनाको मृत्यु भएको छ । मंगलबार विहानैदेखि परेको अविरल वर्षाका कारण गएको पहिरोले घर पुरिदा मुसिकोट नगरपालिका वडा– १ बिसौनामा चार जनाको मृत्यु भएको हो ।

बिहान ९ बजे बिसौनाका विष्णु विक र हुकुम विकको घर माथिबाट आएको लेदोसहितको पहिरोले घर पुरिएको छ । पहिरोले घर पुरिँदा ६७ वर्षीय हुकुम विक, निजका ४६ वर्षीय छोरा गोरे विक, बहिनी विष्णु विकको आमा ६६ वर्षीया मसुरी विक र विष्णु विकको ढाई वर्षीय छोरी रियन्सी विकको मृत्यु भएको जिल्ला प्रहरी कार्यालय गुल्मीका प्रहरी निरीक्षक रामकुमार केसीले जानकारी दिए ।

त्यस्तै, पहिरोका कारण घर पुरिँदा दुई जना घाइते भएका छन् । घाइते हुनेहरुमा ३१ वर्षीय विष्णु विक र निजको श्रीमती २३ वर्षीया मुना विक  रहेका छन् । उनीहरुको शरीरका विभिन्न भागमा चोट लागेको छ । घाईते उनीहरुको उपचारको लागि स्थानीय स्वास्थ्य चौकी पठाइएको जिल्ला प्रहरी कार्यालयले जनाएको छ ।