काठमाडौं, प्रहरीले देशका बिभिन्न स्थानबाट जुवातास खेली रहेकाहरु १ सय २९ जनालाई पक्राउ गरी कार्यवाही गरेको र लाखौ रुपैया खालबाटै जफत गरेको जनाएको छ ।  
 काठमाडौं : काठमाडौ महानगरपालिका ६ बौद्ध  रामबहादुर सुनारको घरमा जुवातास खेलिरहेको अवस्थामा सुनार समेत २० जनालाई प्रहरीले पक्राउ गरेको छ । प्रहरीले नगद ६ लाख ६९ हजार ८ सय १० रूपैयाँ र ९ बुक तास सहित पक्राउ गरेको हो । 
नुवाकोट: बिदुर नगरपालिका ५ माथिल्लो पिपलटार ठुलोगाउँ बस्ने ३० वर्षीय बिनोद कुमालको घरमा कौडा खेलिरहेको अवस्थामा बिनोद समेत ५ जनालाई प्रहरीले पक्राउ गरेको हो । प्रहरीले उनीहरूलाई नगद ९७ हजार ९ सय १० रूपैयाँ र कौडा १६ थान सहित पक्राउ गरेको हो । 
मुस्ताङ: मार्फास्थित फिरोज लालचनको होटल माउन्ट भिल्ला एण्ड रेष्टुरेन्टबाट जुवातास खेलिरहेको अवस्थामा सोही ठाउँ बस्ने ५० वर्षीय सुरज लालचन समेत १२ जनालाई प्रहरीले पक्राउ गरेको छ । प्रहरीले उनीहरूलाई नगद ८ लाख ५२ हजार ८ सय रूपैयाँ र ८ बुक तास सहित पक्राउ गरेको हो । 
पाँचथर : फिदिनगरपालिका १ बस्ने ५६ वर्षीय खेमनाथ अधिकारीको घरमा कौडा खेलिरहेको अवस्थामा अधिकारी समेत ३ जनालाई आइतबार राति प्रहरीले पक्राउ गरेको छ । प्रहरीले उनीहरूलाई नगद ६० हजार ५ सय ३० रूपैयाँ र कौडा १६ थान सहित पक्राउ गरेको हो । 
बाँके : नेपालगंज उपमहानगरपालिका ४ सल्यानीबाग बस्ने सुवाष तारामी मगरको घरमा जुवातास खेलिरहेको अवस्थामा सोही उपमहानगरपालिका ४ बस्ने ४० वर्षीय पृतम शाक्य समेत १४ जनालाई प्रहरीले पक्राउ गरेको छ । उनीहरूलाई नगद १ लाख ५४ हजार ८ सय २० रूपैयाँ र ४ बुक तास सहित पक्राउ गरेको हो । 
नवलपरासीपूर्व : मध्यबिन्दु नगरपालिका १५ बस्ने दान बहादुर थारूको घरमा जुवातास खेलिरहेको अवस्थामा सोही नगरपालिका १५ बस्ने ५१ वर्षीय खेमप्रसाद पाण्डे समेत ९ जनालाई गए राति प्रहरीले पक्राउ गरेको छ । उनीहरूबाट नगद २६ हजार ४ सय ५ रूपैयाँ र कौडा १६ थान सहित पक्राउ गरेको हो । 
कैलाली : गौरीगंगा नगरपालिका १ गोप्का बस्ने ४२ वर्षीय भैरब चन्द समेत २० जनालाई पक्राउ गरेको छ । इलाका प्रहरी कार्यालय प्रहरीले उनीहरूलाई नगद ६९ हजार ९ सय ११ रूपैयाँ सहित पक्राउ गरेको हो । 
यसैगरी कैलाली, धनगढी उपमहानगरपालिका ७ गौडी चोक बस्ने सुरेश चौधरीको घरमा जुवातास खेलिरहेको अवस्थामा सोही उपमहानगरपालिका ७ बस्ने २४ वर्षीय मुकेश चौधरी समेत ८ जनालाई पक्राउ गरेको छ ।  उनीहरूबाट नगद ८८ हजार २ सय रूपैयाँ र २ बुक तास सहित पक्राउ गरेको हो । 
कञ्चनपुर : बेदकोट नगरपालिका ४ बगुन बस्ने ४६ वर्षीय ईश्वर भट्टको घरमा जुवातास खेलिरहेको अवस्थामा भट्ट समेत २० जनालाई प्रहरीले पक्राउ गरेको छ । उनीहरूबाट नगद  ३६ हजार ९८ रूपैयाँ र ३ सय पत्ती तास सहित पक्राउ गरेको हो । यसैगरी कञ्चनपुर, कृष्णपुर नगरपालिका ९ राजघाटस्थित यज्ञबहादुर महराको मदिरा पसलमा जुवातास खेलिरहेको अवस्थामा कृष्णपुर नगरपालिका ९ राजघाट बस्ने  ५० वर्षीय जियाराम चौधरी समेत १० जनालाई पक्राउ गरेको छ । उनीहरूलाई नगद १३ हजार २ सय १० रूपैयाँ र २ बुक तास सहित पक्राउ गरेको हो । बर्दिया, बढैयाताल गाउँपालिका ५ बढैयागाउँस्थित टहरोमा जुवातास खेलिरहेको अवस्थामा सोही गाउँपालिका ४ बस्ने २५ वर्षीय राजन थापा समेत ८ जनालाई पक्राउ गरेको छ । उनीहरूलाई नगद ५७ हजार १ सय २४ रूपैयाँ र ९ बुक तास सहित पक्राउ गरेको हो ।