पाल्पा, जिल्लाको तानसेन नगरपालिका– ८ गौडेस्थित सिद्धार्थ राजमार्गमा मोटरसाइकल दुर्घटना हुँदा एक जनाको मृत्यु भएको छ । बुटवलबाट पाल्पातर्फ आँउदै गरेको लु ८८ प ६६५६ नम्बरको मोटरसाईकल मंगलबार दुर्घटना हुँदा मोटरसाईकलको पछाडी सवार तानसेन– ७ प्रभासकी २७ वर्षीया सावित्रा थापाको मृत्यु भएको हो । 

मोटरसाइकल आफै अनियन्त्रीत भई खोलामा खस्न जाँदा थापा गम्भीर घाइते भएकी थिइन् । उनको लुम्बिनी मेडिकल कलेज प्रभासमा उपचारको क्रममा मृत्यु भएको जिल्ला प्रहरी कार्यालयका प्रहरी निरीक्षक सन्दिप बेल्वासेले जानकारी दिए । दुर्घटनामा मोटरसाईकल चालक प्रभासका ४३ वर्षीय ईन्द्र बहादुर गाहा गम्भीर घाइते भएका छन् । उनको लुम्बिनी मेडिकल कलेजमा उपचार भइरहेको छ । दुर्घटनाको विषयमा थप अनुसन्धान  भइरहेको प्रहरीले जनाएको छ  ।