बागलुङमा जिप दुर्घटना हुँदा पाँच जनाको मृत्यु
बागलुङ, बागलुङमा जिप दुर्घटना हुँदा पाँच जनाको मृत्युु भएको छ । जैमिनी नगरपालिका वडा नम्बर–८ को केवैबाट सदरमुकाम बागलुङ आउँदै गरेको ग २ च ९२४७ नम्बरको जिप सोमबार बिहान साढे आठ बजे ढुंगाखानीमा दुर्घटना हुँदा पाँच जनाको मृत्यु भएको हो ।
घटनामा एक जना गम्भीर घाईते भएका छन् । मृत्यु हुनेहरुमा जैमिनी नगरपालिका–८ केवइका ३८ वर्षीय चालक महेन्द्र पुन, उनकै छिमेकी २० वर्षकी रश्मी श्रीष, ५० वर्षकी नन्दकली पुन, १७ वर्षका निरज श्रीष र ७५ वर्षीय कुलप्रसाद श्रीष रहेको प्रहरी निरीक्षक केशव थापाले जानकारी दिए । घटनामा सोही गाउँका ४५ वर्षीय गंगाबहादुर श्रीष गम्भीर घाइते छन् । घाइतेलाई स्थानीयले उद्धार गरेर उपचार लागि धौलागिरि अस्पताल ल्याएका छन् । यो घटनाले जैमिनी–८ को केवै गाउँ शोकमग्न भएको छ ।
प्रकाशित मिति: सोमबार, कात्तिक २६, २०८१
प्रतिक्रिया दिनुहोस्
साताको लोकप्रीय
