पाल्पा, नेपाल विद्यालय खेलकुद संघ पाल्पा गठन भएको छ । नेपाल विद्यालय खेलकुद महासंघको सिफारिस र पाल्पा जिल्ला खेलकुद विकास समितिको रोहवरमा संघ गठन भएको हो ।

 प्याब्सन तानसेनका निवर्तमान अध्यक्ष तथा पाल्पा प्यारागन इंग्लिस बोर्डिङ स्कुलका प्रिन्सिपल गंगा बहादुर खत्रीको नेतृत्वमा संघ गठन गरिएको जिल्ला खेलकुद विकास समिति पाल्पाका कार्यालय प्रमुख खुमबहादुर वयम्बुद्वारा जारी पत्रमा उल्लेख छ ।

संघको अध्यक्ष बनेका खत्री लामो समयदेखि पाल्पामा रहेर विभिन्न शैक्षिक, सामाजिक संघ संस्थामा सक्रिय छन् । यस अघि प्याब्सन पाल्पाको कोषाध्यक्ष र प्याब्सन तानसेन नगरको अध्यक्षको जिम्मेवारी कुुसलतापूर्वक निर्वाह गरि सकेका उनले संघमा अध्यक्षको जिम्मेवारी पाएसँगै एनजेडीसँगको कुराकानीमा विद्यालयस्तरबाट खेलाडी उत्पादन र खेलकुदको विकासमा समर्पित भएर लाग्ने बताएका छन् । खत्रीले भने‘विद्यालयस्तरमा खेलकुद क्षेत्रलाई चलायमान बनाई दक्ष खेलाडी उत्पादन गर्ने दिशामा मेरो नेतृत्व लाग्ने छ ।’

खत्रीको नेतृत्वमा ११ सदस्यी समिति गठन भएको छ । जसको उपाध्यक्षमा मानबहादुर कुंवर, अर्का उपाध्यक्ष मेघराज भण्डारी, सचिवमा निराजन विक्रम कार्की, कोषाध्यक्ष शुसिला गोदार रहेका छन् । यस्तै सदस्यहरुमा धनबहादुर खाम्चा, निर्मल न्योपाने,उमेश गाहा, यम बहादुर रास्कोटी, हेम बहादुर सारु, गम्भीर सारु चयन भएको जिल्ला खेलकुद विकास समिति पाल्पाले जनाएको छ ।