पाल्पा, जिल्लाको रैनादेवी छहरा गाउँपालिकाको कटौजेपानी खेलमैदानमा पालिकास्तरीय क्रिकेट प्रतियोगिता हुने भएको छ । रैनादेवी छहरा गाउँपालिकाले यही पौष २८  गतेदेखी २९ गतेसम्म पाँचौं अध्यक्ष कप अन्र्तगत पालिकास्तरीय प्रतियोगिता गर्न लागेको हो ।

‘स्वास्थ्य लागि खेलकुद राष्ट्रका लागि खेलकुद’ भन्ने नाराका साथ वडा–वडाबाट  छनोट भएका क्रिकेट क्लवको  सहभागीतामा प्रतियोगिता  गर्न लागिएको गाउँपालिकाले जनाएको छ । खेलकुदको माध्यमबाट युवाहरूमा उत्साह जगाउन, खेलकुदप्रती लगाव बढाउन र स्थानीय खेलकुदको विकास गर्न, नयाँ–नयाँ प्रतिभावान खेलाडीहरु उत्पादन गर्ने उद्देश्यले पालिकास्तरी प्रतियोगिता आयोजना गर्न लागिएको गाउँपालिका अध्यक्षले रूक्मागत भट्टराईले बताए  । खेलकुदले केवल व्यक्तिगत विकासमा मात्र नभई समाजमा सकारात्मक परिवर्तन ल्याउन ठूलो भूमिका खेल्ने र प्रतियोगितामार्फत स्थानीय प्रतिभालाई राष्ट्रिय तथा अन्तर्राष्ट्रिय स्तरमा पु¥याउने लक्ष्य गाउँपालिकाले लिएको उनको भनाई छ । अहिले नेपालमा क्रिकेटको क्रेज बढ्नुुको साथै  युवाहरुको आकर्षण पनि दिनप्रतिदिन  त्यसतर्फ बढेकाले प्रतियोगिताको आयोजना गरिएको गाउँपालिकाका उपाध्यक्ष युवराज थापाले बताए । खेलकुद केवल मनोरञ्जनको माध्यम नभई स्वास्थ्य, अनुशासन, र सामाजिक एकताको प्रतिक रहेकाले गाउँ–गाउँमा खेलाडी उत्पादन गर्न प्रतियोगिताको आयोजना गरिएको पालिकाका प्रमुख प्रशासकीय अधिकृत कृष्ण प्रसाद तिमिल्सेनाले बताए । क्रिकेट प्रतियोगितामा प्रथम हुनेले २५ , द्वितियले १५ हजार  तृतियले १० हजार ट्रफि, मेडल र प्रमाण पत्र पाउने गाउँपालिका युवा तथा खेलकुद विकास समितिका संयोजक नारायण कार्कीले बताए ।