गुल्मी, जिल्लाको रेसुङ्खा नगरपालिकाले सञ्चालन गरेको छैठौं राष्ट्रपति रनिङशिल्ड प्रतियोगिताको उपाधि रेसुङ्गा मावि तम्घासले हात पारेको छ । तम्घासको चिदीचौर खेल मैदानमा सञ्चालन भएको अन्तर विद्यालय राष्ट्रपति रनिङशिल्ड प्रतियोगितामा १२ स्वर्ण, १० रजत, ४ कास्य प्राप्त गर्दै रेसुङ्गा माविले उपाधि जित्न सफल भएको हो ।

त्यस्तै प्रतियोगितामा सिद्धबाबा उच्च मावि दोस्रो भएको छ । उसले ११ स्वर्ण, ५ रजत, ५ कास्य प्राप्त गरी दोस्रो स्थान हासिल गर्न सफल भएको हो । त्यस्तै महेन्द्र मावि तेस्रो भएको छ । ८ स्वर्ण, ७ रजत, १३ कास्य प्राप्त गरी उसले तेस्रो स्थान हासिल गर्न सफल भएको हो । ३ स्वर्ण, २ रजत, ६ कास्य प्राप्त गरी ब्रिलियण्ट युनाईटेड एकेडेमीले चौथो स्थान हासिल गर्न सफल भएको छ । यहि माघ ४ गतेदेखी सञ्चालन भएको प्रतियोगिताको रेसुङ्गा नगरपालिकाका मेयर खिलध्वज पन्थीले उद्घाटन गरेका हुन् ।  प्रतियोगिताको उद्घाटन गर्दै नगर प्रमुख पन्थीले नगरलाई खेल क्षेत्रको रुपमा विकास गर्ने गरी नगर सरकार लागि परेको बताए ।