पाल्पा, भोली शुक्रबार देशका उच्च पदस्थ व्यक्तिहरु पाल्पा आउन लागेका छन् । जिल्लामा हुने विभिन्न कार्यक्रमलाई सम्बोधन गर्न प्रधानमन्त्री केपी शर्मा ओली उपप्रधान तथा सहरी विकास मन्त्री प्रकाशमान सिंहसहितका उच्च पदस्थ व्यक्तिहरु यहाँ आउन लागेका हुन् ।
राष्ट्रिय गौरवको आयोजनाको रुपमा रहेको सिद्धबाबा सुरुङमार्गको  ब्रेक थ्रु,  बगनासकाली गाउँपालिका र तिनाउ गाउँपालिकाको नव निर्मित प्रशासकीय भवन उद्घाटन कार्यक्रमका लागि उनीहरु पाल्पा आउन लागेको जनाइएको छ । उनीहरु पाल्पा आउने भएपछि कार्यक्रम स्थलहरु झकिझकाउ बनाइएको छ ।