पाल्पा, तानसेन वडा–९को  मदनपोखरा संगम बहुउदेश्यीय सहकारी संस्था लि.ले पहिलो पटक  प्रर्वद्धनात्मक कृिष मेला गरेर नयाँ आयम थपेको छ । पाल्पा रुपन्देही, कपिलबस्तु र नवलपरासी र भारतको गोरखपुर सम्म पाल्पाको मदनपोखरा तरकारी उत्पादन र बजारीकरणमा धेरै वर्ष पहिलादेखि प्रख्यात छ ।

‘‘कृषि उत्पादन बढाऔं परनिर्भरताको अन्त्य गरौं” भन्ने सोंचका साथ आयोजना भएको मेलामा तानसेन नगरपालिका, बगनासकाली, र माथागढीका सयौं किसानहरु  सहभागी भए । मेला र प्रदर्शनीले उत्पादनलाई बजारीकरण गर्न सहयोग  पुगेको स्थानीय किसान उमा अर्यालले बताईन् । कृषि मेला उदघाटन समारोहका अतिथि सांसद ठाकुरप्रसाद  गैरेले, कृषि क्षेत्रमा मदनपोखराले देशमै छुट्टै पहिचान बनाएकोले कृषि उत्पादनको आन्दोलन मदनपोखरेलीबाट सिक्नुपर्ने बताए । अर्का अतिथि पुर्वमन्त्री सोमप्रसाद पाण्डेले, कृषि मेलाले यो क्षेत्रमा नयाँ लहर ल्याउँन खोजेको बताए । कृषि प्रदर्शनी, रैथाने बाली प्रदर्शनी, प्रतियोगितात्मक बाख्रा, कुखुरा प्रदर्शनी, कृषियन्त्र उपकरण प्रदर्शनी, बीउ बिजन प्रदर्शनी तथा बिक्री वितरण गरिएको मदनपोखरा संगम बहुउद्देश्यीय सहकारी संस्थाका अध्यक्ष घनश्याम घिमिरेले बताए । लगानी कृषिमा गर्नुपर्छ भनेर संसदमा नीति, नियम बनाउँन र बजेट निर्माणमा दवाव दिन माटो, हावापानी सुहाउँदो विउ उत्पादनमा कृषकलाई क्षमतावान बनाउन राज्यलाई दवाव सिर्जना गर्न, कृषिमेला गरिएको तानसेन वडा ९ का वडाअध्यक्ष राजेशकुमार अर्यालले बताए ।

कृषि मेलामा अगुवा कृषकहरु प्रेमराज पंगेनी, गणेश भण्डारी, कौशलराज पौडेल,बलराम रेग्मी र उमापति पराजुली, विष्णु राना, जमुनादेबी न्यौपाने, सुरज सिंजाली थापा, पुर्णबहादुर सारु, केशव राज घिमिरे, उमा अर्याल, टोपबहादुर क्षेत्री, अर्जुन नेपाली, भीमकुमारी घिमिरे, रन सिं हितंगा, गीता नेपाल, गिरिराज पराजुली, झपेन्द्रप्रसाद तिमिल्सीना, शीला भट्टराईलाई सम्मान गरिएको थियो । यसै गरी राजु अधिकारी, गोबिन्द भण्डारी, माया पंगेनी, मोतीलाल गैरे, लिलानाथ तिमिल्सीना, उमेशराज घिमिरे, ठाकुरप्रसाद भट्टराई, रुद्रलाल पौडेल, जीवनाथ बराल, राजेश थापा, रविलाल बस्याल, नुरनाथ पंगेनी, कुसुम राना, टिकामाया राना, झविन्द्र बस्याल, रामप्रसाद भण्डारी समेतलाई पुरस्कृत गरिएको थियो ।