पाल्पा, तानसेनमा रहेको नारायण युवा क्लव समाजका हरेक गतिविधिहरुमा सक्रिय छ । खेलकूदको विकास, धार्मिक तथा पर्यटकीयस्थलहरुको संरक्षण, प्रवद्र्धन गर्नुको साथै समाजलाई सचेतना जगाउने कार्यमा क्लव सक्रिय हुँदै आएको हो ।

क्लवले  शनिबार तानसेन नगरपालिका वडा नं. २ को सहयोग, जिल्ला प्रहरी कार्यालय पाल्पाको समन्वयमा एक दिने आधारभूत सुरक्षा सम्बन्धी सचेतना तथा अन्तक्र्रिया कार्यक्रम गरेको छ । पछिल्लो समय जिल्लामा चोरीका घटनाहरु, सवारी दुर्घटना, लैङ्गिक हिंसा, साइबरक्राइम, लागुऔषध दुव्र्यसनी जस्ता घटनाहरु बढ्दै गएकाले क्लवले तिनीहरुलाई नियन्त्रण गर्ने उद्देश्यले सुरक्षा सचेतना कार्यक्रम गरेको हो । शान्त र सभ्य समाज निर्माणका लागि सचेतनामूलक कार्यक्रम आयोजना गरिएको क्लवका अध्यक्ष प्रबिनराज शाक्यले बताए । उनले भने ‘पछिल्लो समय जानेर वा नजानेर युवाहरु लागुऔषध दुव्र्यसनीमा फस्ने गरेका छन्, अर्कोतर्फ सूचना प्रविधिको विकाससँगै साइबरक्राइमका घटनाहरुबाट आमनागरिक प्रताडी छन्, अझै पनि हाम्रो समाजमा आमा दिदीबहिनीहरु लैङ्गिक हिंसाको  शिकार बन्नु परेको छ । यस्ता गतिविधिहरुलाई नियन्त्रण गर्नु हामी सबैको दायित्व हो । त्यसैले यी घटनाहरु हुन नदिनका लागि हामी सचेतनाका कार्यक्रम गरेका हौं ।’ सुरक्षा सचेतना कार्यक्रमले केही भए पनि यस्ता घटनाहरु कम गर्ने विश्वास लिइएको अध्यक्ष शाक्यले बताए । कार्यक्रममा  प्रमुख अतिथि प्रमुख जिल्ला अधिकारी तोयनारायण सुवेदीले क्लवले सचेतनामूक कार्यक्रममा देखाएको सक्रियता प्रशंसनिय रहेको बताए । उनले समाजलाई सही मार्गमा लैजान सबै नागरिकको दायित्व भएकाले त्यसतर्फ अग्रस हुन आग्रह गरे । विशिष्ट अतिथि जिल्ला प्रहरी कार्यालयका प्रहरी उपरीक्षक नरेन्द्र चन्दले प्रहरीले गर्दै आएको कार्यक्रमलाई क्लवले समेत अनुसरण गरेकोमा खुसी व्यक्त गरे । उनले समाजमा शान्ति र सुशासन कायम गर्न प्रहरी  प्रतिवद्ध रहेको बताउँदै सबै संघ संस्थाहरुसँग समन्वय गरेर सचेतनाका कार्यक्रमहरु अगाडि बढाएको बताए । तानसेन–२ वडा अध्यक्ष तथा क्लबका पूर्व अध्यक्ष महेश्वर श्रेष्ठले आगामी दिनहरुमा पनि यस्ता सचेतनामूलक कार्यक्रमका लागि वडाबाट आवश्यक सहयोग गर्ने  बताए । कार्यक्रममा जिल्ला प्रहरी कार्यालयका प्रहरी उपरीक्षक चन्दले चोरीका घटनाहरु, सवारी दुर्घटना, लैङ्गिक हिंसा, साइबरक्राइम, लागुऔषध दुव्र्यसनी नियन्त्रणका विषयमा जानकारी गराएका थिए ।

अमर नारायण फुलबारी कभर्डहलमा भएको कार्यक्रममा जिल्ला ट्राफिक इन्चार्ज राम प्रसाद खनाल, तानसेन खानेपानी उपभोक्ता समितिका अध्यक्ष मोहन प्रसाद श्रेष्ठ, सामाजिक व्यक्तित्वहरुमधुदयाल सैजु, नारायण प्रसाद कोइराला, क्लवका सल्लाहकार, वडाका जनप्रतिनिधि,टोल विकास संस्थाका प्रतिनिधि, सामुदायिक तथा निजी विद्यालयका शिक्षक/शिक्षिका लगायत स्थानीयवासीहरुको उल्लेखीय सहभागीता रहेको थियो । जिल्ला प्रहरी कार्यालयका इन्स्पेटर कमल प्रधान,  जिल्ला ट्राफिक इन्चार्ज राम प्रसाद खनालले प्रशिक्षण दिएका थिए । क्लबका अध्यक्ष प्रबिन राज शाक्यको अध्यक्षता,  क्लबका सचिव विनायक महर्जनको  सञ्चालनमा कार्यक्रम भएको थियो ।