-1741099342.jpg)
पाल्पा, जिल्लाको रिब्दीकोट गाउँपालिका– १ ख्याहा मधुवन सामुदायिक वन र वडा नंं २ को लेक सामुदायिक वनमा मंगलबार दिउँसो आगलागी भएको छ । दिउँसो १ बजे देखी जंगलमा लागेको आगलागी नियन्त्रण गर्न जनप्रतिनिधी, स्थानीयवासी, तानसेनबाट दमकल, नेपाली सेना, शसस्त्र प्रहरी, नेपाल प्रहरीहरु खटिएका थिए । आगलागीको केही भाग नियन्त्रणमा आएपनि जंगल ठूलो भएकोले पूर्णरुपमा नियन्त्रणमा आएको छैन ।
आगलागी पुर्ण नियन्त्रणमा नआएकाले ख्याहाको गैरीगाउ र देउरालीको डम्वक,लघुवा गाउँ जोखिममा रहेको वडा नंं १ वडा अध्यक्ष चिरञ्नजीवी पोखरेलले जानकारी दिए । दिउँसो सबैको सहयोगबाट आगलागी नियन्त्रणमा लिएको कारण जंगलको बिचमा रहेको लिफ्ट खानेपानीको विद्युत ट्रान्फर क्षती हुन बाट बचेको छ । हावहुरीको कारण जंगलमा विद्युत सट भएर आगलागी भएको बताइएको छ । सल्लाको जंगल भएकाले आगो नियन्त्रण लिन कठिनाई भएको हो । आगलागीबाट करीव १० हेक्टर जंगल जलेर नष्ट भएको छ ।