पाल्पा, पाल्पामा ६८औं राष्ट्रिय सहकारी दिवसको अवसरमा प्रभात फेरी कार्यक्रम गरिएको छ । सहकारी संस्थाका सञ्चालक, कर्मचारी लगायतको सहभागीतामा प्रभात फेरीको आयोजना गरिएको हो ।

तानसेन नगरपालिकाबाट सुरु भएको प्रभात फेरीले बजारका विभिन्न भागको परिक्रमा गरेको थियो । जिल्ला सहकारी संघ पाल्पा, जिल्ला बचत तथा ऋण सहकारी संघ पाल्पा, तानसेन नगरपालिकाको संयुक्त आयोजना, रामपुर नगरपालिका, रैनादेवी छहरा गाउँपालिका, बगनासकाली गाउँपालिकमा, रिब्दीकोट गाउँपालिका, तिनाउ गाउँपापिलका, माथागढी गाउँपालिका, पूर्वखोला गाउँपालिका, निस्दी गाउँपालिका र रम्भा गाउँपालिकाको प्रवद्र्धनमा कार्यक्रम गरिएको हो । प्रभात फेरी कार्यक्रमपछि अहिले तानसेन नगरपालिकाको हलमा सहकारी सभा कार्यक्रम भइरहेको छ ।  

‘मर्यादित सहकारी समुन्नत समाज’ भन्ने नाराका साथ  भइरहको सभामा वर्तमान समयमा सहकारीले खेप्नु परेका समस्या र समाधानका उपायका विषयमा सहकारी अभियन्ता तथा संविधानसभा सदस्य केशव वडाल र  चित्राकुमारी थाम्सुहाङ्ग सुब्बाले जानकारी गराइरहेका छन् ।