पाल्पा, राजावादीको आन्दोलनमा परी ज्यान गुमाएकाको परीवारलाई सरकारले १०/१० लाख दिने भएको छ । सरकारले चैत १५ गते काठमाडौंको तीनकुनेमा भएको राजावादी प्रदर्शनका क्रममा ज्याउन गुमाएका पत्रकार सुरेश रजक र कीर्तिपुरका युवक सविन महर्जनको परिवारलाई  उक्त सहयोग रकम दिने निर्णय गरेको हो ।

गृहमन्त्रीस्तरीय निर्णयले दुवै परिवारलाई उक्त सहयोग उपलब्ध गराउने निर्णय गरेको गृहमन्त्रीको सचिवालयले जनाएको छ । गत चैत १५ गते तीनकुनेमा भएको राजावादीको प्रदर्शनमा गोली लागेर कीर्तिपुरका २९ वर्षीय सविन महर्जन र एभिन्युज टेलिभिजनका पत्रकार सुरेश रजकको आगोमा जलेर मृत्यु भएको थियो । सरकारले यसअघि नै प्रदर्शनका क्रममा घाइते भएकाहरूको निशुल्क उपचार गर्ने निर्णय गरेको थियो ।