गुल्मी । जिल्लामा ढिस्कोले पुरिएर एक पुरुषको मृत्यु भएको छ । माथिबाट खसेको पहिरोको ढिस्कोले पुरिएर कालिगण्डकी गाउँपालिका ४ का ६२ वर्षका यमबहादुर श्रीसको मृत्यु भएको हो । खेतको कुलो बनाउने क्रममा माथिबाट एक्कासी खसेको पहिरोको ढिस्कोले उनलाई पुरेको थियो । श्रीसको घटनास्थलमै मृत्यु भएको हो ।

उनी श्रीमतिसँगै कुलो बनाउन गएका थिए । श्रीमती भने सकुशल रहेको जिल्ला प्रहरी कार्यालयले जनाएको छ । श्रीमानलाई ढिस्कोले पुरेपछि श्रीमतीले आफ्न्तलाई खबर गरेकी थिईन् । खबर लगत्तै प्रहरी र आफ्न्ताले श्रीसलाई पहिरोबाट निकालेका थिए ।