पाल्पा । जिल्लाको निस्दी गाउँपालिकामा एक वृद्ध मृत भेटिएका छन् । निस्दी गाउँपालिका २ सिलमिङ गैराको जंगलमा सोही स्थानका ८२ वर्षका खडे कानुङ मृत भेटिएका हुन् । उनलाई घर नजिकैको भिरबाट ३ सय मिटर तल मृत अवस्थामा फेला पारिएको प्रादेशिक प्रहरीले जनाएको छ । कानुङ गत शुक्रबार बहिनी ज्वाई भेट्न भनि सुकेकोट गएका थिए ।

उनी राती त्यहाँबाट घर जान भनि हिडेको स्थानीयले बताएका छन् । दुई दिनसम्म पनि घर नफर्किएपछि आफ्न्तले उनको खोजिकार्य गरेका थिए । खोज्दै जाँदा उनलाई नजिकै रहेको जंगलको भिरमा लडेको अवस्थामा फेला पारेका हुन् । घटनाको थप अनुसन्धान भइरहेको प्रहरीले जनाएको छ ।