पाल्पा । प्रहरीलाई घुस दिन खोज्ने दुई जना पक्राउ परेका छन् । लागुऔषध मुद्दामा पक्राउ परेका दुर्गाराम खत्रीको मुद्दा मिलाई दिनुपर्‍यो भनि जवरजस्ती एक लाख ५० हजार रुपैया घुस दिन खोज्ने दुई जना पक्राउ परेका हुन् । दाङमा प्रहरी निरीक्षकलाई घुस दिन खोज्ने घोराही उपमहानगरपालिका वडा नं. १८ सुपैलाकुटी बस्ने २७ बर्षीय गोबिन्द शाह र प्युठान स्वर्गद्वारी नगरपालिका वडा नं. ५ भिङ्ग्री घरभै हाल दाङको लमही नगरपालिका वडा नं. ५ लमही बजार बस्ने ३० वर्षीय समिर भण्डारीलाई प्रक्राउ गरिएको प्रादेशिक प्रहरी कार्यालयले जनाएको छ ।

उनीहरुले वडा प्रहरी कार्यालय घोराहीका प्रमुख प्रहरी निरीक्षक दिनेश रिमाललाई लागु औषध मुद्दामादर्ता भई कार्वाही भई रहेको अवस्थामा निजलाई छुटाउनको लागि भनि जबरजस्ती घुस रकम दिन खोजेको प्रहरीले जनाएको छ । पक्राउ परेका दुवै जनालाई आवश्यक कारवाहीको लागि आइतवार प्रहरीले अख्तियार दुरुपयोग अनुसन्धान आयोगको कार्यालय बुटवल पठाएको छ । प्रहरीले लागुऔष मुद्दामा दुर्गा सहित दाङ उप–महानगरपालिका १४ बस्ने २९ वर्षका कमल पुन मगर, सोही स्थानका ३६ वर्षकी लक्ष्मी देउवालाई पक्राउ गरेको थियो ।