पाल्पा, शुक्रबार विहानदेखि अवरुद्ध तानसेन–बुटवल सडक खण्ड खुलेको छ । विहीबार रातभर आएको अविरल वर्षका कारण सडक माथि देखि खसेको पहिरोका कारण् अवरुद्ध बनेको सडक ९ घण्टापछि खुलेको हो । अविरल वर्षका कारण तानसेन –८, गौडेपुलमा पहिरो खसेको थियो । विहानैदेखि डोजर, स्काभेटरको प्रयोग गरी सडक सञ्चालनमा ल्याइएको जिल्ला प्रहरी कार्यालयले जनाएको छ । सडक अवरुद्ध भएपछि बुटवलबाट पाल्पा आएका र पाल्पाबाट बुटवल हिडेका हजारौँ सवारीसाधन बिचैमा अलपत्र परेका थिए ।