पहिरो खस्दा तानसेन–बुटवल सडक पुनःअवरुद्ध, ट्रक समेत पुरियो
पाल्पा, सिद्धार्थ राजमार्गअन्तर्गत तानसेन–बुटवल सडकखण्डको तानसेन नगरपालिका–८, गौडेपुल नजिकै पुन ःपहिरो खसेको छ । गएरातिदेखि सडक माथिबाट खसेको पहिरोका कारण बिहानैदेखि यातायात अवरुद्ध भएको छ, भने नालीमा रहेको ट्रक समेत पुरिएको जिल्ला प्रहरी कार्यालयले जनाएको छ । ट्रक पुरिए पनि मानविय क्षति भने भएको छैन ।
यस क्षेत्रमा खसेको पहिरोले शुक्रबार पनि सडक अवरुद्ध बनेको थियो । दिउँसो डोजर, स्काभेटर प्रयोग गरी सडक सुचारु गरिए पनि राति परेको अविरल वर्षले पुन पहिरो खसेको हो । पहिरो खसिरहेका कारण पहिरो हटाउन समस्या भएको जिल्ला ट्राफिक कार्यालयले जनाएको छ । राजमार्ग अवरुद्ध भएसँगै पाल्पा, गुल्मी, स्याङ्जा, पोखरा तथा तराईका जिल्लाहरुबाट यात्रा गर्नेहरु बाटोमै अलपत्र परेका छन् ।
प्रकाशित मिति: शनिबार, साउन ३, २०७७
प्रतिक्रिया दिनुहोस्
-1729054544.jpg)
साताको लोकप्रीय
