पाल्पा । पहिरोका कारण अवरुद्ध तानसेन–बुटवल सडक खण्डा खुलेको छ । अविरल वर्षका कारण पहिरो जाँदा शनिबार विहानदेखि अवरुद्ध तानसेन नगरपालिका–८, गौडेपुल नजिकै सिद्धार्थ राजमार्गअन्तर्गत तानसेन–बुटवल सडकखण्डको पहिरो हटाएपछि सडक खुलेको हो । सडकदेखि माथिबाट ठूला ढुङ्गा सहित खसेको पहिरोले सडक पूर्णरुपमा अवरुद्ध भएको थियो ।

अवरुद्ध सडक आईतबार साँझा ५ बजेदेखि खुलेको जिल्ला प्रहरी कार्यालयले जनाएको छ । पहिरो हटेपछि रोकिएका सवारी साधान सञ्चालनमा आएका छन् । दुई दिनदेखि लगतार परेको वर्षाका कारण पहिरो खसिरहँदा सिद्धार्थ राजमार्ग दुई दिनदेखि अवरुद्ध बनेको थियो । सडक अवरुद्ध भएपछि बुटवलबाट पाल्पा आएका र पाल्पाबाट बुटवल हिडेका हजारौँ सवारीसाधन बिचैमा अलपत्र परेका थिए । सडक माथिबाट खसेको पहिरोका कारण नालीमा रहेको ट्रक समेत पुरिएको थियो । ट्रक पुरिदाँ मानविय क्षति भने भएको थिएन ।