विष्णु पाण्डेय
पाल्पा । स्याङ्जाको कालिगण्डकी गाउँपालिका-१ मा ट्यााक्टरको ठक्करबाट एक वृद्धाको ज्यान गएको छ । वडा १ को ठाटि भञ्ज्याङमा रोकि राखेको ट्याक्टर अचानक गुड्न गई स्थानीय ७७ वर्षिय कृष्ण कुमारी रेश्मीलाई ठक्कर दिएको थियो । ट्याक्टरको ठक्करबाट घाइते भएकी रेश्मीलाई उपचारका लागि तानसेन स्थित मिसन अस्पतालमा ल्याइदै गर्दा ज्यान गएको पारिवारीक स्रोतले जनाएको छ ।

बिहीबार बेलुका करीब साढे ९ बजेको समयमा लु ३ त ४२०१ नम्बरको ट्याक्टर अचानक अगाडि बढ्दा नजिकैको होटेलमा ठोक्किएर दुर्घटना भएको जिल्ला प्रहरी कार्यालय स्याङ्जाका प्रवक्ता प्रहरी नायब उपरीक्षक राजेन्द्रप्रसाद अधिकारीले जानकारी दिए । बाटोको साईडमा बसीरहेकी रेश्मीलाई ट्याक्टरले ठक्कर दिएको थियो । उनको टाउको र हातमा चोट लागेको थियो । ठक्कर दिने ट्याक्टर र चालक प्रहरीको नियन्त्रणमा रहेको प्रहरी नायव उपरीक्षक अधिकारीले बताए ।