इमान सिं राना
पाल्पा(रामपुर), रामपुर आधारभूत विद्यालय रामपुर ५ पाल्पामा विद्यार्थीहरुलाई छात्रवृति वितरण गरिएको छ । विद्यालयमा स्थापना भएको १४ वटा अक्षयकोष मार्फत विद्यालयमा अध्ययनरत १८ जना विद्यार्थीहरुलाई छात्रवृति प्रदान गरिएको हो । अक्षयकोष छात्रवृति वितरण तथा नतिजा प्रकाशन कार्यक्रम गरी विद्यालयले आज विद्यार्थीहरुलाई झोला सहित स्टेशनरी सामाग्रीहरु प्रदान गरेको हो । विद्यार्थीहरुलाई सामग्री हस्तान्तरण गर्दै रामपुर नगरपालिका ५ का वडा अध्यक्ष हिमाल मल्लले मर्जको अवस्थाबाट अहिले विद्यालयले गरेको प्रगतिको प्रशंसा गर्दै विद्यालयको उत्थानको लागि वडा संगै आफ्नो व्यक्तिगत हिसाबले पनि सहयोग गर्ने बताए । विद्यालय व्यवस्थापन समितिका अध्यक्ष विष्णु प्रसाद गौतमको अध्यक्षता शिक्षिक सविता गौतमको सञ्चालनमा कार्यक्रम भएको थियो ।