रमेश विश्वकर्मा

गुल्मी । गुल्मीमा जेसिबीले पल्टाएको ढुङगाले लागेर एक महिलाको मृत्यु भएको छ । जिल्लाको धुर्कोट गाउँपालिका ३ हाड्हाडेमा सडक विस्तार गर्ने क्रममा पल्टिएको ढुङ्गाले लाग्दा महिलाको ज्यान गएको हो ।

हाड्हाडे स्थित नादीबाट मसेरातर्फ जाने भित्री कच्ची बाटोमा लु १ क १३०३ नं.को जेसिबिले बाटो खन्दै गर्दा ढुङगा पल्टिएको थियो । ढुङगा पल्टिएर घाँस काटिरहेकी सोहि स्थानकी ३५ वर्षकी श्यामकुमारी मुखियालाई लाग्दा उनको घटनास्थलमै ज्यान गएको जिल्ला प्रहरी कार्यालयले जनाएको छ । घटनाबारे थप अनुसन्धानको लागि प्रहरी घटना स्थलमा पुगेको छ ।