पाल्पा । आजदेखि सिद्धार्थ राजमार्ग दैनिक चार घण्टा बन्द रहने भएको छ । सिद्धार्थ राजमार्गको झुम्सा–दोभान सडक खण्डमा कालोपत्रे गर्ने कार्यका लागि दैनिक चार घण्टा सडक बन्द गरिने भएको हो ।

सडक डिभिजन कार्यालय पाल्पाले एक सूचना जारी गर्दै सडक कालोपत्रे गर्नका लागि आजदेखि मंसिर १८ गतेसम्म दैनिक चार घण्टा राजमार्ग आवागमन बन्द रहने जनाएको छ । कार्यालयका अनुसार बिहान १०ः३० बजेदेखि १२ः३० बजेसम्म र दिउँसो २ बजेदेखि ४ बजेसम्मका लागि सडक बन्द रहने छ ।