पाल्पा । नेपालमा कोरोना भाइरसबाट थप १५ जनाको मृत्यु भएको छ । पछिल्लो २४ घण्टामा नेपालमा कोराना भाइरस संक्रमणबाट १५ जनाको मृत्यु भएको हो ।

स्वास्थ्य तथा जनसंख्या मन्त्रालयका अनुसार हालसम्म कोरोना भाइरसबाट एक हजार ६ सय ८९ को मृत्यु भएको छ । बितेको २४ घण्टामा पाँच हजार २ सय ४२ नमूना परीक्षण गर्दा ३ सय ५२ महिला र ५ सय ४७ पुरुष गरी ८ सय ९९ संक्रमित थपिएका छन् । यससँगै नेपालमा कोरोना संक्रमितको संख्या दुई लाख ४७ हजार ५ सय ९३ पुगेको छ । पछिल्लो २४ घण्टामा १ हजार ३ सय ५९ जना कोरोनामुक्त भएका छन् । कुल संक्रमित मध्ये दुई लाख ३४ हजार २ सय ३१ कोरोनामुक्त भएका छन् । कोरोनामुक्त हुने दर ९४.६ प्रतिशत पुगेको छ ।