पाल्पा, जिल्लाको माथागढी गाउँपालिका ५ धामिगाउँमा टिपर दुर्घटना भएको छ । मंगलबार दिउँसो धामिगाउदेखि चुनढुङ्गा लिई भैरहवातर्फ जाँदै गरेको लु १ क ३५३७ न. को टिपर अनियन्त्रित भई दुर्घटना भएको हो ।

दुर्घटनामा टिपर चालक माथागढी गाउँपालिका ५ का ३२ वर्षीय झमन सिं रेस्मी मगर घाइते भएका छन् । घाइते उनलाई उपचारका लागि देवदह मेडिकल रुपन्देही पठाईएको जिल्ला प्रहरी कार्यालयले जनाएको छ । उनको अवस्था भने गम्भिर रहेको अस्पतालले जनाएको छ । टिपर सडकदेखि ५० मिटर तल खस्न पुगेको छ ।