पाल्पा । जिल्लाको रम्भा गाउँपालिका –३ अगाहखोला स्थित सिद्दार्थ राजमार्गमा टिपर दुर्घटना भएको छ । सिमेन्ट लिएर बुटवलदेखि स्याङ्जातर्फ जाँदै गरेको बा ५ ख ९१५३ न. को टिपर दुर्घटना हुँदा दुई जना घाइते भएका छन् ।

घाइते हुनेहरुमा स्याङ्जा गल्याङ नगरपालिका –२ बस्ने बर्ष १६ वर्षका सुनिल सुनार र ४० वर्षका ज्ञानबहादुर बिक रहेको जिल्ला प्रहरी कार्यालयले जनाएको छ । घाइते मध्ये सुनारको अवस्था सामान्य छ भने विकको अवस्था सिरियस रहेको छ । घाइतेहरुको लुम्बिनी मेडिकल कलेज प्रभासमा उपचार भइरहेको छ । टिपरमा चालक सहित तीन जना सवार रहेका थिए । चालक भने सकुशल रहेका छन् । उनलाई प्रहरीले नियन्त्रणमा लिएर थप अनुसन्धान थालेको जनाएको छ । टिपर सडकदेखि १०० मिटर तल खसेको छ ।