पाल्पा । पाल्पामा थप ३९ जना संक्रमितले कोरोना जितेका छन् । जिल्ला स्वास्थ्य कार्यालयलाई आइतबार, सोमबार र मंगलबारको प्राप्त विवरण अनुसार जिल्लाका विभिन्न स्थानीय तहका ३९ जना संक्रमितले कोरोना जितेका हुन् । स्वास्थ्य कार्यालयका अनुसार पूर्वखोलाका ११ जनाले कोरोना जितेका छन् । यस्तै माथागढी र रामपुरका एक/एक जना, रैनादेवी छहराका ६ जना, रम्भाका ५ जना, बगनासका ८ जना, रिब्दीकोटका ५ जना र निस्दीका २ जना संक्रमितले कोरोना जितेका छन् । यो संगै पाल्पामा कोरोना संक्रमणमुक्त हुनेको संख्या एक हजार ६ सय ७२ पुगेको स्वास्थ्य कार्यालयले जनाएको छ । यस्तै पछिल्लो तीन दिनमा पाल्पामा थप ६ जनामा कोरोना संक्रमण पुष्टि भएको छ । ३ पुरुष र ३ जना महिलामा संक्रमण देखिएको हो ।

तानसेन नगरपालिकाका २ जना, माथागढी र रामपुरका एक/एक जना, बगनासकालीका १ जना, रिब्दीकोटका १ जनामा संक्रमण देखिएको छ । योसँगै पाल्पामा एक हजार ७ सय ५८ जना कोरोना संक्रमित पुगेका छन् । पाल्पामा कोरोनाका कारण २९ जनाको मृत्यु भएको छ । अहिले जिल्लामा कुल सक्रिय संक्रमितको संख्या ५७ पुगेको छ । जिल्लामा अहिलेसम्म ९ सय ५० जना समुदायस्तरका व्यक्तिहरुमा कोरोना संक्रमण देखिएको छ । ति मध्ये महामारीको अग्रभागमा रहेर काम गर्दै आएका ८२ जना स्वास्थ्यकर्मी रहेका छन् ।