गुल्मी । गुल्मीमा ट्रकले पैदलयात्रीलाई ठक्कर दिँदा दुई जनाको घटनास्थलमै मृत्यु भएको छ । राति करिब २ बजे बुटवलबाट खाद्यान्न लिएर तम्घास आइरहेको ना ५ ख ३२०४ नम्बरको ट्रकले रेसुङ्गा नगरपालिका १३ मसिना खोलामा पैदल यात्रा गरिहेकालाई ठक्कर दिँदा उनिहरुको मृत्यु भएको हो ।

रेसुङ्गा नरपालिका १३ का २६ बर्षका टोपबहादुर रजाली र २३ बर्षका बालकृष्ण भुजेललाई ठक्कर दिदा उनीहरुको घटनास्थलमै मृत्यु भएको जिल्ला प्रहरी कार्यालय गुल्मीका प्रहरी नायब उपरीक्षक केदारराज पन्तले जानकारी दिए । उनीहरुको शबलाई पोष्टमार्टमका लागि गुल्मी अस्पतालमा ल्याइएको छ भने ट्रक चालक गुल्मीदरबार गाउँपालिका ६ चारपालाका २९ वर्षका गोापल टण्डन प्रहरीको नियन्त्रणमा रहेका छन् ।