पाल्पा । पछिल्लो २४ घण्टामा थप ५ सय ३४ जनामा कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयलका अनुसार नेपालमा १ सय ९६ महिला र ३ सय ३८ पुरुषमा संक्रमण पुष्टि भएको हो । यो सँगै नेपालमा कोरोना संक्रमितको संख्या २ लाख ६० हजार ५ सय ९४ पुगेको छ । यस्तै बिहीबार कोरोना संक्रमणबाट ९ जनाको मृत्यु भएको छ । हालसम्म कोरोनाबाट ज्यान गुमाउनेको संख्या १ हजार ८ सय ५६ रहेको छ । यस्तै पछिल्लो २४ घण्टामा थप ४ सय ४७ जना डिस्चार्ज भएका छन् ।
यो सहित हालसम्म कोरोना जित्नेको संख्या २ लाख ५२ हजार ३ सय ५९ पुगेको स्वास्थ्य मन्त्रालयले जनाएको छ । मन्त्रालयका अनुसार निको हुनेको दर ९६.८ प्रतिशत हो । देशभर सक्रिय संक्रमितको संख्या भने ६ हजार ३ सय ७८ रहेको छ । यस्तै अहिले ३ सय ६२ जना क्वारेन्टिन र ६ हजार ३ सय ७८ आइसोलेसनमा रहेको मन्त्रालयले जनाएको छ । २४ घण्टामा ६ हजार पीसीआर परीक्षण भएको छ भने हालसम्म १९ लाख ३२ हजार ४ सय ७७ पीसीआर परीक्षण भएका छन् ।
